Kitsissunnguit - Grønne Ejland

IMG 9406 660

 

Timmissat, pinngortitaq kulturikkullu oqaluttuarisaaneq

Kitsissunnguit Qeqertarsuup Tunuaniittut masarsoqarfiullutillu allanngorartumik nunataqaramik, Kalaallit Nunaanni immikkuullarissumik timmiarpassuaqarfiupput. Nunatsinni sumiiffinni tamanna timmissat assigiinngitsut amerlanerpaat piaqqiorfigisarpaat. Qeqertani taakkunani timmissat piaqqisartut malunnaateqarnersaat tassaavoq: Imeqqutaalaq. Taassuma Kalaallit Nunaat pingaarnertut piaqqiorfigisarpaa, Kitsissunnguaniittullu nunarsuatsinni amerlanerpaat ilagaat.

Qeqertat eqqissisimatitaapput, kisianni .

Qeqertat taakkua eqqissisimatitaapput, timmissat piaqqiornerisa nalaani angallavigineqarnerat killilersorneqartarluni. Eqqissisimatitsinermi uumasut tamaanilu aalisarneq kiisalu itsarnitsat eriagineqartut innimiginiarneqarput. Eqqissisimatitsineq nutaaliamik eqqissisimatitsineruvoq, timissat innimigineqarlutik tamaanilu najugallit takornariallu taakkunani Qeqertarsuup Tunuani qeqertani manissuni angalaqqusaallutik.

Qeqertat nunarsuatsinnut pingaarutillit

Qeqertat nunanit tamanit immikkuullarissutut naatsorsuutigineqarput. Sumiiffik "masarsoqarfittut nunanut tamanut pingaarutilittut" toqqarneqarnikuuvoq - Ramsarimik taaneqartartoq, ilaatigut pissutigineqarluni, qeqertani taakkunani imeqqutaallat amerlangaaramik, nunarsuatsinni imeqqutaallat amerlassusaannut pingaaruteqarnerat.

Map 300

 

Nittartagaq suliarisamut 'Ramsar pillugu nunat tamat isumaqatigiissutaata, sumiiffinni atuutsinneqalernissaa"-nut atatillugu pilersitaavoq, Avatangiisit pillugit Ministereqarfiup 'Issittumi avatangiisinut tapiissutit' aqqutigalugit aningaasalersorneqarpoq.

Suliarisamut ilanngunneqarput qupperneq paasissutissiissut, quppersagaq kiisalu Aasiaat Katersugaasivianni 2009mi saqqummersitsineq, tassungalu atatillugu Avannaani Ilinniarnertuunngorniarfimmi ilinniartut Kitsissunnguani pinngortitaq, kulturikkut oqaluttuarisaaneq kiisalu pisuussutit pillugit saqqummersitsinerat.